మలయాళ మెగాస్టార్ మమ్ముట్టికి ఆ పేరు ఎవరు పెట్టారో తెలుసా ?
మలయాళ మెగాస్టార్ మమ్ముట్టి తెలుగు ప్రేక్షకులకు ప్రత్యేక పరిచయం అవసరం లేని పేరు. మమ్ముట్టికి ఆ పేరు ఏలా వచ్చింది ? ఎవరు పెట్టారు ? అనే విషయాలను ముమ్మట్టి ఓ వేదికపై పంచుకున్నారు. మలయాళ నటుడు మమ్ముట్టి అసలు పేరు మహమ్మద్ కుట్టి పనపరంబిల్ ఇస్మాయిల్. కాలేజీ రోజుల్లో తన స్నేహితుడు శశిధరన్ పొరపాటున తన పేరును మమ్ముట్టిగా చదవడం వల్లే ఈ పేరు వచ్చిందని, అప్పటినుంచి అందరూ అలానే పిలుస్తున్నారని మమ్ముట్టి తెలిపారు. ఈ సందర్భంగా తన స్నేహితుడిని వేదికపైకి పిలిచి పరిచయం చేశారు.
మమ్ముట్టి పేరు ఏలా వచ్చిందంటే
భారతదేశం గర్వించదగ్గ నటులలో మమ్ముట్టి ఒకరు. గత ఐదు దశాబ్దాలుగా వైవిధ్యమైన చిత్రాలు, విభిన్నమైన పాత్రలతో సినీ అభిమానులను అలరిస్తూ ఇండియన్ సినిమా చరిత్రలో చెరగని ముద్ర వేసుకున్నారు. 74 ఏళ్ల వయసులోనూ రెట్టింపు ఉత్సాహంతో పని చేస్తున్నారు.
మమ్ముట్టి అసలు పేరు మహమ్మద్ కుట్టి పనపరంబిల్ ఇస్మాయిల్ అనే సంగతి చాలా తక్కువ మందికే తెలిసి ఉంటుంది. అయితే మమ్ముట్టి అనే స్క్రీన్ నేమ్ తో సినీ అభిమానులకు పరిచయమయ్యారు. అదే పేరుతోనే పాపులర్ అయ్యారు. లేటెస్టుగా ఆయన తన పేరు మమ్ముట్టిగా ఎలా మారిందో వివరించారు. కేరళలో జరిగిన ఓ కార్యక్రమంలో మాట్లాడుతూ.. శశిధరన్ అనే తన ఫ్రెండ్ మమ్ముట్టి అనే పేరు పెట్టినట్లు తెలిపారు. స్నేహితుడిని అందరికీ పరిచయం చేశారు. ఈ సందర్భంగా కాలేజీ రోజుల్లో జరిగిన సరదా సంఘటనలను గుర్తు చేసుకున్నారు.
ఐడీ కార్డు మర్చిపోయి కాలేజీకి వెళ్లా.. అప్పుడే నా పేరు అందరికి తెలిసింది..
కాలేజ్ డేస్ లో అందరితో నా పేరును ఒమర్‌ షరీఫ్‌ అని చెప్పేవాడిని. నా అసలు పేరు మహమ్మద్ కుట్టి అని కాలేజీలో ఎవరికీ తెలియదని మమ్ముట్టి అన్నారు. ఒకరోజు నా ఐడీ కార్డు మర్చిపోయా వెళ్లాను అంతే.. దాంతో నా పేరు అందరికీ తెలిసిపోయింది. అప్పుడు నా స్నేహితుల్లో ఒకరు నీ పేరు షరీఫ్‌ కాదు మమ్ముట్టి అన్నాడు. అప్పటినుంచి నా పేరు మమ్ముట్టిగా మారిపోయింది. అందరూ అలానే పిలిచేవారు” అని మమ్ముట్టి చెప్పారు. ఇన్ని రోజులు తన ఫ్రెండ్ గురించి చెప్పకుండా రహస్యంగా ఉంచానన్నారు. తన పేరు మార్పుపై పేపర్లో రకరకాల వార్తలు వచ్చాయని, కానీ ఆ పేరు వెనక ఉన్న అసలు కథ ఇదేనని మమ్ముట్టి తెలిపారు.
