హైదరాబాద్కు ఫుట్బాల్ దిగ్గజం లియోనల్ మెస్సి..ఎప్పుడంటే?
హైదరాబాద్, వార్తమ్యాన్ : ఫుట్బాల్ ఆట తెలిసిన ప్రతి వ్యక్తికి ‘‘లియోనల్ మెస్సి” పేరు ప్రత్యేకంగా చెప్పాల్సిన అవసరం లేదు. వరల్డ్ వైడ్గా అభిమానులు కలిగి ఉన్న మెస్సిని చూడాలని ప్రతి ఒక్క ఫ్యాన్స్ కోరుకుంటారు. ఇప్పుడు ఫుట్బాల్ దిగ్గడం హైదరాబాద్కు వస్తున్నాడు. డిసెంబర్ 13వ తేదిన మెస్సి భారత్‌లోని హైదరాబాద్లో పర్యటించనున్నారు. ఈ విషయాన్ని సోషల్ మీడియా వేదికగా లియోనల్ మెస్సి ప్రకటించాడు. తన టూర్లో హైదరాబాద్ కూడా ఉండటం ఎంతో ఆనందాన్ని కలిగిస్తుందని పేర్కొన్నాడు.
మూడు రోజులు నాలుగు సిటీల్లో టూర్
ప్రపంచ దిగ్గజ ఫుట్బాల్ ప్లేయర్ లియోనల్ మెస్సి డిసెంబర్ 13వ తేదిన ఇండియాకు రానున్నారు. 13వ తేదిన ఉదయం కోల్కత్తా రాత్రి హైదరాబాద్లో, 14వ తేదిన సాయంత్రం ముంబై, 15వ తేదిన మధ్యాహ్నం ఢిల్లీలో మెస్సి పర్యటించనున్నారు. ‘‘ మరికొన్ని రోజుల్లో ఇండియాకు నా ప్రయాణం ప్రారంభం కానుంది. నా పై ఇండియా చూపిస్తున్న ప్రేమకు ధన్యవాదాలు. నా ప్రయాణంలో హైదరాబాద్ కూడా ఉంది. నా విజిట్‌లో ఈ సిటీని కలపడం నాకు ఎంతో సంతోషాన్ని ఇస్తుంది’ అని మెస్సి ఇన్‌స్టా వేదికగా పోస్ట్ పెట్టాడు.
మెస్సి హైదరాబాద్ టూర్పై సీఎం ట్వీట్
హైదరాబాద్లో ఫుట్బాల్ ప్లేయర్ లియోనల్ మెస్సి పర్యటనకు వస్తున్న నేపథ్యంలో తెలంగాణ రాష్ర్ట ముఖ్యమంత్రి రేవంత్రెడ్డి ట్వీట్ చేశారు. ‘డిసెంబర్ 13న ఫుట్బాల్ స్టార్ మెస్సి హైదరాబాద్ వస్తున్నాడు. అతడిని చూడాలని తపిస్తో్న్న ప్రతి అభిమాని కల ఆరోజు నెరవేరబోతోంది. మెస్సికి అందరం ఘన స్వాగతం పలుకుదాం’ అంటూ ఎక్స్ వేదికగా పోస్ట్ చేశారు.
