అప్పులు తీర్చేందుకు చైన్​స్నాచింగ్​ అవతారం… 24 గంటల్లోనే పోలీసులకు దొరికిపోయిండు

అప్పలు తీర్చేందుకు ఓ యువకుడు చైన్​ స్నాచర్​గా మారాడు. గుడి నుండి ఇంటికి నడుచుకుంటూ వెళ్తున్న ఇద్దరు మహిళల మెడలో చైన్​ స్నాచింగ్​కు పాల్పడి 24 గంటల వ్యవధిలోనే పోలీసులకు చిక్కాడు. ఈ సంఘటన బీహెచ్​ఈఎల్​ ఓల్డ్​ ఎంఐజీలో చోటుచేసుకుంది. ఓల్డ్​ ఎంఐజీలో నివాసం ఉండే పొట్లపల్లి సత్యవతి(72) గత నెల 31వ తేదిన ఉదయం కిలోమీటర్​ దూరంలో ఉన్న రామాలయం దేవాలయానికి వెళ్లి, అక్కడ భోజనాలు చేసి తిరిగి సమయంలో ఎదురుగా వచ్చిన ఓ వ్యక్తి సత్యవతి మెడలో నుండి బంగారు పుస్తెలతాడు, నల్లపూసల దండ లాక్కొని అక్కడి నుండి పారిపోయి, ఐదు నిమిషాల వ్యవధిలోనే పక్క రోడ్డులో దేవాలయం నుండి ఇంటికి వెళ్తున్న చాగంటిపాటి జయభారతి(73) మెడలో బంగారు గొలుసు లాక్కొన్ని పరారయ్యాడు.

ఈ ఉదంతంతో ఉలిక్కిపడ్డ ఇద్దరు మహిళలు వెంటనే తమ కుటుంబసభ్యులకు, పోలీసులకు సమాచారం అందించారు. సంఘటన స్థలానికి చేరుకున్న చందానగర్​ పోలీసులు ఇద్దరు ఫిర్యాదుల మేరకు కేసులు నమోదు చేసుకొని దర్యాప్తు చేపట్టారు. సీసీ కెమెరాల ఆధారంగా నిందితుడు శేరిలింగంపల్లి గోపినగర్​కు చెందిన రాజేష్​(32)గా గుర్తించి 24 గంటల వ్యవధిలోనే నిందితుడు రాజేష్​ను అరెస్ట్​ చేశారు. అప్పుల బాధ నుండి బయటపడేందుకు చైన్​స్నాచింగ్​కు పాల్పడినట్లు పోలీసులు తెలిపారు. బీహెచ్ ఈఎల్ లో దొంగతనం చేసిన నిందితుడు రాజేష్​ కరీనంగర్ అక్కడి నుండి జగిత్యాలకు పారిపోయినట్లు గుర్తించి జగిత్యాలలో అదుపులోకి తీసుకున్నారు. అతని వద్ద నుండి చోరీకి గురైన 8 తులాల బంగారు గొలుసును స్వాధీనం చేసుకున్నారు. ఈ సమావేశంలో డిఐ భాస్కర్​, ఎస్​ఓటీ ఇన్​స్పెక్టర్​ రాజశేఖర్​ పాల్గొన్నారు.