కళాభిమానులను ఆకర్షిస్తున్న హైదరాబాద్​.. హైదరాబాద్​ ఆర్ట్​ సొసైటీ ప్రెసిడెంట్​ రమణారెడ్డి

స్టేట్​ ఆర్ట్​ గ్యాలరీలో ప్రారంభమైన హైదరాబాద్​ పెరల్స్​ ఆర్ట్​ క్యాంప్​

హైదరాబాద్​ మహా నగరం కళాభిమానులను ఎంతగానో ఆకర్షిస్తుందని హైదరాబాద్​ ఆర్ట్​ సొసైటీ ప్రెసిడెంట్​ ఎం.వి రమణారెడ్డి అన్నారు. మాదాపూర్​లోని స్టేట్ ఆర్ట్ గ్యాలరీ శనివారం 40 మంది కళాకారులతో ‘హైదరాబాద్ పెరల్స్ -I పేరుతో ఆర్ట్ క్యాంప్‌ను ఏర్పాటు చేశారు. ఈ కళా శిబిరాన్ని హైదరాబాద్ ఆర్ట్ సొసైటీ అధ్యక్షుడు అండ్​ ఆర్ట్ క్యాంపు క్యూరేటర్ ప్రముఖ శిల్పి ఎంవి రమణా రెడ్డి ప్రారంభించారు.

ఈ సందర్భంగా ఆయన మాట్లాడుతూ.. హైదరాబాద్ నగరం కళాకారులను, కళాభిమానులను ఎంతో ఆకర్షిస్తుందని, నగరంలో కళా కార్యక్రమాలు, కల శిబిరాలు నిర్వహించాల్సిన అవసరం ఉందన్నారు. స్టేట్ ఆర్ట్ గ్యాలరీ వివిధ కళా కార్యక్రమాల నిర్వహణ ద్వారా కళాకారులకు వేదిక కల్పిస్తుందని అభినందించారు. స్టేట్​ ఆర్ట్​ గ్యాలరీ డైరెక్టర్​ డాక్టర్ కే. లక్ష్మి ఆర్ట్ క్యాంపు సందర్శించారు.

ఈ ఆర్ట్ క్యాంపు ఈ నెల 26వ తేది వరకు ప్రతి రోజు ఉదయం 11 గంటల నుండి సాయంత్రం 5 గంటలవరకు సందర్శకులకు అందుబాటులో ఉందని, శిబిరంలో వేసిన పెయింటింగ్లు 27వ తేదిన ఎగ్జిబిషన్​కు ఏర్పాటు చేస్తున్నట్లు నిర్వాహకులు తెలిపారు.